2 मिनेट 
भक्तपुर, २ भदौ । नेकपा एमालेको जनवर्गीय संगठन राष्ट्रिय युवा संघले सरकारले बृद्धि गरेको पेट्रोलियम पदार्थको मूल्य तत्काल घटाउन माग गर्दै आज भक्तपुरका बिरोध र्याली प्रर्दशन गरेको छ ।
राष्ट्रिय युवा संघ नेपाल जिल्ला कमिटी भक्तपुरले आज भक्तपुरमा आयोजना गरेको विरोध कार्यक्रममा युवाहरुले सूर्यविनायक चोकबाट घलातीहुदै सल्लाघारीको इम्पेरियलम्म सानो गाडी अर्थात कार र मोटरसाईकल डोरीले बाधेर तानेर पेट्रोलियम पदार्थको मूल्इ बृद्धिको बिरोध गरेका छन् ।
केही दिन अघि नेपाल आयल निगमले पेट्रोलियम पदार्थको मूल्यबृद्धि गरी जनताको ढाड सेक्ने कार्य गरेको भन्दै संघले बिरोध प्रर्दशन गरेको हो । पेट्रोलियम पदार्थको मूल्यबृद्धिका कारण जनताको दैनिक जीवन चलाउन कठिन अवस्था बनेको भन्दै संघले तत्काल मूल्यबृद्धि फिर्तालिन आग्रह गरेको छ ।
कार्यक्रममा एक क्वीटल सुन काण्डमा सरकारको नेतृत्व गरिरहेका पार्टी कांग्रेस माओवादी लगायतका दलहरुको संलग्नता रहेको भन्दै कडा शब्दमा विरोध जनाएका थिए । गृहमन्त्री तथा अर्थमन्त्रीको संलग्नता विना एयरपोर्टबाट एक क्वीटल सुन ल्याउन सम्भव नभएको भन्दै संघका नेता तथा कार्यकर्ता प्रचण्ड नेतृत्वको सरकार तस्करी भएको भन्दै राजिनामा मागेका छन् ।
र्र्यालीका क्रममा सुन तस्करी, वालुवाटार जग्गा, भुटानी शरणार्थी, एनसीएल घोटला, वाईडबडीलगायतका असंख्य काण्डहरुमा वर्तमान सरकारका नेतृत्वकर्ताहरुको प्रत्यक्ष संलग्नता रहेको भन्दै सवै घोटलाका काण्डहरुको निष्पक्ष छानविन गर्न उच्चस्तरीय छानविन समिति बनाउन माग गरेको छ । दोषीलाई कानुनी कघरामा ल्याउन आग्रह गर्दै संघले छानविन समिति बनाउनबाट भाग्न खोज्नु सत्ता गठबन्धनका दलहरुको नियतमाथि गम्भीर प्रश्न चिन्ह खडा भएको दावी गरेको छ ।
कार्यक्रममा मूल्यबृद्धि फिर्ता गर, महंगी नियन्त्रण गर, जनतामारा सरकार मुर्दावाद, प्रचण्ड तेरो पाराले, दुःख पाए साराले, गृहमन्त्री राजिनामा दे, अर्थमन्त्री राजिनामा दे, प्रधानमन्त्री राजिनामा दे, उच्चस्तरीय छानविन समिति गठन गर, राष्ट्रिय युवा संघ नेपाल जिन्दावादलगायतका नाराहरु लगाएका थिए ।
कार्यक्रममा नेकपा एमालेको पोलिटव्युरो सदस्य तथा पूर्वमन्त्री महेश बस्नेत, केन्द्रीय सदस्य तथा भक्तपुर इन्चार्ज कैलाश ढुंगेल, एमाले भक्तपुर जिल्ला अध्यक्ष बचन देउजा, संघका केन्द्रीय उपाध्यक्ष कृष्णहरी केसी, बागमती प्रदेशका सांसद किरण थापा, अनेमसंघ÷राष्ट्रिय युवा संघका केन्द्र तथा जिल्लाका नेता तथा कार्यकर्ताहरुको सहभागिता रहेको थियो ।
