1 मिनेट 
काठमाडौँ,२९ चैत।
शहीद स्मारक ‘सी’ डिभिजन लिग फुटबलमा आज २ खेल हुँदैछ।
एन्फा कम्प्लेक्समा हुने पहिलो खेलमा खालीबारी युवा फुटबल क्लबले महावीरको सामना गर्नेछ। यो खेल दिनको १ बजेबाट शुरू हुनेछ। यसअघि आफ्नो पहिलो खेलमा खालीबारी पराजित भएको थियो भने महावीरले बराबरी खेल्दै १ अंक जोडेको थियो।
यस्तै, अर्को खेलमा समाज यूथ क्लबले सानेपा क्लबको सामना गर्नेछ। यसअघि आफ्नो पहिलो खेलमा सानेपा पराजित भएको थियो भने समाज पनि पराजित भएको थियो। आज दुवै टोली पहिलो जितको खोजीमा हुनेछन्।
यो खेल दिनको ४स्१५ बजेबाट शुरू हुनेछ। यसअघि बुधबार भएको खेलमा आरसी–३२ ले बागमती यूथ क्लबलाई ३(० ले पराजित गर्दै जारी लिगमा लगातार दोस्रो जित हासिल गरेको छ।
