मुम्बईमा हुने आईपीएल क्रिकेटमा आज मुम्बई र बेङ्गलुरु खेल्दै

चैत २९, काठमाण्डौ ।

इन्डियन प्रिमियर लिग आईपीएल क्रिकेटमा आज मुम्बई इन्डियन्स र रोयल च्यालेन्जर्स बेङ्गलुरुबीच खेल हुँदैछ । मुम्बईको वानखेडे स्टेडियममा हुने यो खेल नेपाली समयअनुसार बेलुका पौने ८ बजे शुरु हुने छ ।

यो सिजनमा अहिलेसम्म चार खेल खेलेको मुम्बईले एक खेल मात्र जितेको छ । तीन खेल हारेको मुम्बई आठौँ स्थानमा छ । बेङ्गलोरले पनि अहिलेसम्म पाँच खेलमा एक खेल मात्र जितेको छ । चार खेल हारेको बेङ्गलुरु नवौँ स्थानमा छ ।

मुम्बई इन्डियन्स हार्दिक पाण्डेयको कप्तानीमा खेलिरहेको छ भने बेङ्गलुरु फाफ डु प्लेसिसको कप्तानीमा खेलिरहेको छ ।