0 मिनेट 
काठमाडौँ,८ वैशाख ।
काठमाडौँ महानगरपालिका–३ नारायणगोपाल चोकबाट नियन्त्रित लागुऔषधसहित आज एक जनालाई प्रहरीले पक्राउ गरेको छ।
नियन्त्रित लागुऔषध प्रोमेथाजाइन ३७ एम्पुल, डाइजेपाम ३४ एम्पुल र बुप्रेनोर्फिन ३३ एम्पुलसहित दोलखा मेलुङ गाउँपालिका–४ घर भई काठमाडौँ जोरपाटी बस्ने ३१ वर्षीय सरोज श्रेष्ठलाई आज दिउँसो प्रहरीले पक्राउ गरेको हो।
उक्त स्थानमा खटिएको प्रहरीले बा २२ प ५२४८ नम्बरको स्कुटर जाँच गर्ने क्रममा स्कुटरमा सवार उनलाई उक्त लागूऔषधसहित पक्राउ गरेको हो। यस सम्बन्धमा प्रहरीले आवश्यक अनुसन्धान गरिरहेको प्रहरी प्रधान कार्यालयले जानकारी दिएको छ।
