हामीसँग जोडिनुहोस

रुसी सेनामा कार्यरत नेपालीको उद्धारको माग गर्दै पीडित परिवारको अनशन

1 मिनेट

९ बैशाख,काठमाडौं ।

रुसी सेनामा कार्यरत नेपालीको उद्धारको माग गर्दै आफन्तहरूले काठमाडौंको माइतिघर मण्डलामा अनशन शुरू गरेका छन्। रुसको युद्धमैदानमा फसेका नेपालीको जीवन रक्षाको माग गर्दै करिव ३ दर्जन आफन्तहरूले शुक्रबारबाट अनशन थालेका हुन्।

अनशनमा करिव तीन दर्जन पीडित परिवारका सदस्यहरू रहेको रुसी सेनामा आवद्ध नेपालीको जीवन रक्षा अभियानका अभियन्ता कृतु भण्डारीले जानकारी दिनुभयो । त्यसमध्ये कृतु भण्डारी, किसन थापा र सिरानी घर्ती मगर आमरण अनशनमा छन्।

उनीहरूले रुसी सेनामा भएका सबै नेपालीको अवस्था सार्वजनिक, सम्पर्कविहीन भएकाहरूको खोजी, मृत्यु भएकाहरूको शव फिर्ता, भर्ती भएका र युक्रेनको कब्जामा रहेकाहरूको सकुशल उद्धारको माग राख्दै आएका थिए। लामो समयसम्म सरकारले रुसी सेनामा पीडित परिवारको गुनासो सम्बोधन नगरेपछि अनशन बस्न बाध्य भएको अभियान्ता कृतु भण्डारीले बताउनुभयो।

युद्धमा परी घाइते भएका नेपालीहरूको उपचार, मृतक परिवारलाई क्षतिपूर्ति र शव नेपाल ल्याउने व्यवस्था मिलाउनुपर्ने अनशनमा बसेकाहरूको माग छ। त्यस्तै, रुसी सेनाबाट पाउने तलब, भत्ताका लागि सहजीकरण गरिदिन पनि सरकारसँग आग्रह गरेका छन्।

ट्रेण्डिङ

Chairman: Ravi Khadka
Managing Director: Ramesh Giri

व्यवस्थापकः लक्ष्मण तिमिल्सिना कार्यक्रम संयोजक: बाल मुकुन्दास सुवाल बजार प्रमुखः निरन्जन बजगाईँ
सम्पादकः अमृता अर्याल समाचार संयोजकः सुस्मा थापा आइटि प्रमुखः इ. जमिन राई मल्टिमिडियाः प्रविन श्रेष्ठ फोटो/भिडियोः आषिस पौडेल
कमला शर्मा सन्तोसी पान्डे प्रतिभा धौबजी सुनिता श्रेष्ठ
©2024 Design and Developed By: Jamin Rai
सम्पर्क
Radio Himalalayan 99.7 Mhz Electro MS International Pvt. Ltd Radio Himalalayan 99.7 Mhz Regd:894/073/074, Vat No:601246650
ठेगाना सूर्यबिनायक–८, जगाती भक्तपुर, नेपाल
यस वेवसाइटमा प्रकाशित कुनै पनि सामग्रीहरू पुनःप्रकाशन वा प्रसारण गर्नुअघि अनुमति लिनुहुन अनुरोध छ ।