1 मिनेट 
९ वैशाख,काठमाडौँ ।
हिउँदे सिजनको मार्च र अप्रिलको करिब डेढ महिनामा हिमाल आरोहण बापत सरकारले ५६ करोड ४० लाख रुपैयाँ माथि रोयल्टी उठाएको छ । पर्यटन विभागका अनुसार २०२४ को मार्च १ देखि अप्रिल १९ सम्ममा विभिन्न २४ वटा हिमाल आरोहण स्वीकृति बापत सरकारले ४२ लाख ३७ हजार अमेरिकी डलर अर्थात् ५६ करोड ४० लाख ३१ हजार १८१ रुपैयाँ रोयल्टी उठाइएको हो ।
यस अवधिमा ५,९२२ मिटर अग्लो ‘जुगल ५’ देखि ८८४८।८६ मिटर अग्लो सर्वोच्च शिखर सगरमाथा सम्मका २४ वटा हिमाल आरोहणका लागि अनुमति प्रदान गरिएको छ ।नेपालीसहित विभिन्न ८१ समूहमा आएका ७४९ जना आरोहीलाई हिमाल आरोहणको स्वीकृति प्रदान गरिएको विभागले जनाएको छ । जसमध्ये ५९१ जना पुरुष र १५८ जना महिला आरोही रहेका छन् ।
