हामीसँग जोडिनुहोस

नेपाली राष्ट्रिय क्रिकेट टोलीले वेष्ट इण्डिजको ‘ए’ टोलीसँग पहिले बलिङ गर्ने

1 मिनेट

१५ वैशाख,काठमाडौं ।

नेपाली राष्ट्रिय क्रिकेट टोलीले वेष्ट इण्डिजको ‘ए’ टोलीसँग पहिले बलिङ गर्ने भएको छ।

पहिलो मैत्रिपूर्ण टी २० प्रतियोगितामा टस जित्दै नेपालले बलिङ रोजेको हो।

नेपाल र वेष्ट इण्डिजबीच पाँच खेल टी(२० खेलको शृङ्खला खेल्ने तय भएको छ। दोस्रो खेल आइतबार, तेस्रो मे १, चौथो मे २ र पाँचौँ मे ४ तारिखमा हुनेछ।शृङ्खलाका सबै खेल कीर्तिपुर अन्तर्राष्ट्रिय क्रिकेट मैदानमै हुने नेपाल क्रिकेट संघ ९क्यान० ले जनाएको छ।

क्यानले वेष्ट इण्डिज ‘ए’ विरुद्धको शृङ्खलाका लागि बिहीबार १६ सदस्यीय टोलीको घोषणा गरिसकेको छ। शुक्रबार चार सदस्य थपिएका छन्।

नेपाली टोली रोहितकुमार पौडेलको कप्तानीमा मैदानमा उत्रिन लागेको छ। वेष्ट इण्डिजको कप्तानी रोस्टन चेजले गर्दैछन्।

आगामी जुनमा आयोजना हुने आईसीसी टी(२० विश्वकपको तयारीका क्रममा यो अभ्यास खेल खेल्न लागिएको हो। वेष्ट इण्डिजको टोली नेपाल भ्रमणमा आएको यो पहिलो पटक हो। नेपालसँगै वेष्ट इण्डिजले पनि आगामी टी(२० विश्वकप खेल्दै छ।

आईसीसी टी(२० विश्वकपको नवौँ संस्करण आगामी जुन १ देखि २९ तारिखसम्म अमेरिका र वेष्ट इण्डिजमा आयोजना हुँदैछ। आगामी आईसीसी टी(२० विश्वकपमा नेपाल समूह ‘डी’ मा छ।

 

 

ट्रेण्डिङ

          अमृता अर्याल अस्मिता तामाङ
          रवि खड्का
          ©2024 Design and Developed By: Jamin Rai
          सम्पर्क
          ठेगाना सूर्यबिनायक–८, जगाती भक्तपुर, नेपाल
          यस वेवसाइटमा प्रकाशित कुनै पनि सामग्रीहरू पुनःप्रकाशन वा प्रसारण गर्नुअघि अनुमति लिनुहुन अनुरोध छ ।