0 मिनेट 
काठमाडौं,२० वैशाख।
प्रधानमन्त्री पुष्पकमल दाहाल र सत्तारुढ नेकपा एमालेका अध्यक्ष केपी शर्मा ओलीबीच भेटवार्ता भएको छ। प्रधानमन्त्री दाहाल र अध्यक्ष ओलीबीच बिहीबार सिंहदरबारस्थित प्रधानमन्त्री तथा मन्त्रिपरिषद्को कार्यालयमा करिबा दुई घण्टा भेटवार्ता भएको हो।
भेटवार्तापछि न्युज एजेन्सी नेपाललाई संक्षिप्त प्रतिक्रिया दिँदै अध्यक्ष ओलीले समसामयिक राजनीतिक विषयमा छलफल भएको बताए। न्युज एजेन्सी नेपालको प्रश्नको जवाफ दिँदै उहाँले संसदको बजेट अधिवेशन बोलाउने मामिला संसद र सरकारको भएको भन्दै छिट्टै अधिवेशन बोलाउने विश्वास व्यक्त गरे।
प्रधानमन्त्री तथा मन्त्रिपरिषद्को कार्यालयमा ओली दिउँसो भेटवार्ता सकेर सिंहदरबारबाट बाहिरिएका थिए।
