बागमती प्रदेशमा संसदीय समितिहरूको नेतृत्व चयनको प्रक्रिया सुरु

काठमाडौं,४ जेठ।

बागमती प्रदेशमा संसदीय समितिहरूको नेतृत्व चयनको प्रक्रिया सुरु भएको छ । यसका लागि आज मनोनयन दर्ता हुने भएको छ । दिउँसो ३ बजेदेखि साँझ ५ बजेसम्म मनोनयनको समय तोकिएको छ ।

सर्वसम्मत रुपमा सभापति चयन गर्ने दलहरुको प्रयास असफल भएपछि नेतृत्व चयन निर्वाचनमार्फत् हुने गरी प्रक्रिया अघि बढेको हो ।निर्वाचन कार्यतालिका अनुसार भोलि शनिबार मतदान हुनेछ ।

प्रदेश सभामा प्रदेश मामिला समिति, अर्थ तथा विकास समिति, सार्वजनिक लेखा समिति, उद्योग पर्यटन तथा वातावरण समिति र शिक्षा, स्वास्थ्य तथा कृषि समिति गरी पाँचवटा विषयगत समिति रहेका छन् ।

सबै समितिहरुको नेतृत्व चयन निर्वाचनमार्फत नै हुन लागेको हो । समिति बैठक अहिले ज्येष्ठ सदस्यको अध्यक्षतामा बस्दै आएको छ ।