1 मिनेट 
काठमाडौं,१३ साउन।
भक्तपुरमा टिपरको ठक्करबाट एक जना मोटरसाइकल चालकको मृत्यु भएको छ।
भक्तपुरको मध्यपुर ठिमी नगरपालिका–४ नयाँठिमी स्थित सडक खण्डमा काठमाडौंबाट भक्तपुर तर्फ जाँदै गरेको गण्डकी प्रदेश ७ प। ५३५३ नं। को मोटरसाइकललाई सोही दिशा तर्फबाट आउँदै गरेको बागमती प्रदेश ४ ख २९०१ नं को टिपरले पछाडिबाट ठक्कर दिई दुर्घटना हुँदा मोटरसाइकल चालक जिल्ला काभ्रेपलान्चोक मण्डनदेउपुर नगरपालिका वडा नं १ घर भई हाल भक्तपुर कमलबिनायक बस्ने वर्ष अन्दाजी २१ को सुवास तामाङ गम्भीर घाइते भएका थिए।
शनिबार दिउँसो १ बजे उनलाई तत्कालै उपचारको लागि मध्यपुर अस्पताल ठिमी लगिएकोमा उपचारकै क्रममा मृत्यु भएको जिल्ला प्रहरी परिसर भक्तपुरका निमित्त सूचना अधिकारी प्रहरी निरीक्षक टेकेन्द्र शर्मा पौडेलले जानकारी दिए।
मोटरसाइकल पछाडि सवार जिल्ला काभ्रेपलान्चोक माहाकाल गाउँपालिका वडा नं। ६ घर भई हाल भक्तपुर कमलबिनायक बस्ने वर्ष २० को संजिव थापा मगरको मध्यपुर अस्पताल ठिमी भक्तपुरमा उपचार भइरहेको छ।
दुबै सवारी साधन र टिपर चालक जिल्ला काभ्रेपालन्चोक मण्डनदेउपुर गाउँपालिका–६ बस्ने वर्ष २८ को राज कुमार राईलाई प्रहरीले नियन्त्रणमा लिएको छ।
