1 मिनेट 
काठमाडौँ,१५ असोज ।
मनसुन जन्य विपद्का कारण प्रभावितहरूलाई प्रभावकारी रूपमा राहत उपलब्ध गराउन गृह मन्त्रालयले कार्यदल बनाएको छ ।
८ जना सहसचिवहरू सम्मिलित कार्यदल गठन गरिएको गृहमन्त्रीको सचिवालयले जनाएको छ ।राहत वितरण सहजिकरण गर्न काठमाडौँमा सहसचिव गोविन्द रिजाल, ललितपुरमा प्रकाश पौडेल, भक्तपुरमा नारायण प्रसाद अर्याल, काभ्रेमा बासुदेव घिमिरे, सिन्धुलीमा लालबावु कवारी, मकवानपुरमा रामबन्धु सुवेदी, सिन्धुपाल्चोकमा श्यामकृष्ण थापा र धादिङमा रमेश ढकालाई संयोजक तोकिएको छ । सबै सहसचिव गृह मन्त्रालय मातहत कार्यरत छन् ।
कार्यदलमा भौतिक पूर्वाधार तथा यातायात मन्त्रालय, सहरी विकास, ऊर्जा, जलस्रोत तथा सिँचाइ मन्त्रालयका डिभिजनल इन्जिनियर र सङ्घीय मामिला तथा स्थानीय विकाश मन्त्रालयका उपसचिव प्रतिनिधि तोकिएका छन् ।
