0 मिनेट 
काठमाडौं,२७ कार्तिक
प्रदेश सांसद दीपक मनाङे पक्राउ परेका छन्।मंगलबार नेपाल प्रहरीको सिआइबी टोलीले उनलाई काठमाडौंको सानो भर्याङबाट पक्राउ गरेको हो। उनलाई सिआइबीका प्रवक्ता होविन्द्र बोगटीले पक्राउ गरिएको जानकारी दिए।
गत कार्तिक २० गते सर्वोच्च अदालतबाट ज्यान मार्ने उद्योगमा पाँच वर्ष कैद सजाय सुनाइएको थियो।
त्यस लगत्तै फरार रहेका मनाङे प्रहरीको खोजीको सुचीमा रहेका थिए। केही दिन अगाडि मनाङेले फैसलाको पूर्णपाठ आएपछि उपस्थित हुने बताएका थिए।एक प्रेस विज्ञप्ति जारी गर्दै मनाङेले अदालतको फैसलापछि मोबाइल अफ गर्नुपरेको र अदालतको पूर्णपाठ आएपछि अदालतमा हाजिर हुने बताएका थिए।
मनाङे मनाङको प्रदेश निर्वाचन क्षेत्र १ (ख)बाट निर्वाचित स्वतन्त्र सांसद हुन्।
