संविधानको सुरक्षा र समावेशिताको सुदृढीकरण आजको आवश्यकता : गृहमन्त्री लेखक

१० फागुन,काठमाडौँ । 

गृहमन्त्री रमेश लेखकले लोकतन्त्रको विकल्प नभएको बताएका छन्।

काठमाडौँमा शनिबार आयोजित सुदूरपश्चिम कानुन समाजको प्रथम अधिवेशनमा उनले लोकतन्त्रको विकल्प लोकतन्त्र मात्रै हुने बताए।

लोकतन्त्रको रक्षा, संविधानको सुरक्षा र समावेशिताको सुदृढीकरण आजको आवश्यकता भएको गृहमन्त्री लेखकले बताए। दश वर्षमा संविधानको अभ्यास गर्दा देखिएका सबल र दर्बल पक्षको विश्लेषण गरी संविधान संशोधनको तयारी भइरहेको उनले बताए।

संविधान संशोधन गर्दा संसदीय सर्वोच्चताको कुरा गर्नुपर्ने गृहमन्त्री लेखकले आवश्यकता औँल्याए । कानुन र नीतिगत सुधार सरकारका प्राथमिकता हुन् भन्दै उनले राज्यका सबै अङ्गमा सुदूरपश्चिमको उचित प्रतिनिधित्व गराउन आफू लागिपरेको बताए ।