2 मिनेट 
भक्तपुर, २० फागुन । जुद्ध बारुण यन्त्र कार्यालय भक्तपुरले कार्यालयका फायर म्यान शिरुष भुजुलाई नगद सहित सम्मान गरेको छ ।
यहीँ फागुन १५ गतेदेखि १९ गतेसम्म महोत्तरी जिल्लाको गौशालामा सञ्चालन भएको १८ औ राष्ट्रयव्यापी बुढाकैदो फूलकन्टयाक कराँते प्रतियोगिता २०८१ मा स्वर्ण पदक हासिल गरि कार्यालयको प्रतिष्ठा बढाएको भन्दै जुद्ध बारुण यन्त्र कार्यालय भक्तपुरका प्रमुख विजयप्रसाद धौभडेलले भुजुलाई नगद रु. पाँच हजारसहित सम्मान गर्नु भएको हो ।
सम्मान गर्दै कार्यालय प्रमुख धौभडेलले एउटा फायर म्यानले पनि देशको लागि केही गर्न सक्छ र देशको नाम राख्न सक्छ भन्ने उदाहरण भुजुले प्रस्तुत गरेको बताउनु भयो । उहाँले यहाँका फायर म्यानहरु सामाजिक कार्यमा पनि उत्तिकै सिक्रिय रहको बताउदै उहाँले खेलकुदमा चाहना हुनेहरुलाई प्रशिक्षणका लागि कार्यालयले पठाउने गेको बताउनुभयो ।
यहाँका फायर म्यानहरु अग्नि नियन्त्रणसंगै सामाजिक कार्यदेखि खेलमा पनि दक्ष र शसक्त रहेको बताउनुभयो । स्वर्ण पदक विजेता भुजुले कार्यालयदले दिएको सम्मानले आगामी दिनमा खेलमा सक्रिय रहन थप प्रोत्साहन मिलेको बताउनुभयो ।
