1 मिनेट 
काठमाडौं,१ चैत।
देशभर एक वर्षमा २ लाख २८ हजार मुद्दा थपिएका छन् । सर्वोच्च अदालतको आर्थिक वर्ष २०८०/८१ को प्रतिवेदनअनुसार सर्वोच्च मातहतका अदालत तथा न्यायधिकरणहरूमा आर्थिक वर्षबाट जिम्मेवारी सरेको मुद्दा रिट निवेदन प्रतिवेदनको संख्या एक लाख साठी हजार ३९५ र गत आवमा दर्ता भएका दुई लाख २७ हजार ९६२ गरी जम्मा मुद्दाको संख्या तीन लाख ८८ हजार ३५७ पुगेको हो ।
गत आवमा सर्वोच्च अदालतमा आर्थिक वर्ष जिम्मेवारी सरेको मुद्दा रिट निवेदन प्रतिवेदन २८ हजार ४३० र गत आर्थिक वर्षमा दर्ता भएका ४१ हजार २४९ रहेकोमा १५ हजार ५२१ अर्थात् ३७.३७ मुद्दा फर्छौट गरिएको छ । उच्च अदालतहरूमा अघिल्लो आर्थिक वर्षबाट जिम्मेवारी सरेको मुद्दा रिट निवेदन २५ हजार ३६७ र गत आवमा ५५ हजार ८७२ मुद्दा थपिएकोमा ५६ हजार १४ अर्थात् ६८.९५ मुद्दा फर्छौट भएका छन् ।
