1 मिनेट 
काठमाडौं, १७ चैत । राजावादीहरुको आन्दतेलानका क्रममा गत चैत १५ गते कोटेश्वरस्थित भाटभटेनी सुपरमार्केटमा लुटपात गर्ने १२ जनालाई प्रहरीले पक्राउ गरि अदालतबाट म्याद थप गरेको छ ।
पक्राउ पर्नेमा धनुषा मिथिला नगरपालिका वडा नं ६ ढल्केवर काटेश्वर बस्ने आशिष सिंह, सर्लाही बरथहवा नगरपालिका वडा नं १६ घर भएका कोटेश्वर नरेफाँट बस्ने प्रेम कुमार महत्तो र भारतको बिहार राज्य पटना हाजिपुर घर भई हाल कोटेश्वर नरेफाँट बस्ने रवि रञ्जन कुमार रहेका छन् ।
यसअघि प्रहरीले शनिबार ७ जनालाई पक्राउ गरेको थियो । काठमाडौं उपत्यका अपराध अनुसन्धान कार्यालयले आज थप ३ जनालाई पक्राउ गरेको हो । पक्राउ परेका सिंहको साथबाट ब्ल्याक लेबल १ थान, ज्याक जेनिल २ थान, महतोको साथबाट ४ थान खाली बियरको बोतल र कुमारको साथबाट यार्सागुम्बा ब्राण्डको मदिरा १ थान बरामद भएको छ ।
पक्राउ परेका अन्य ७ जनाको साथबाट हाफपाइन्ट टाउजर, टे«, क्यारेट, फलफूल, लिपिस्टक गाजल रअन्य सामानहरु बरामद भएको छ । उनीहरुले शुक्रबार भाटभटेनीमा लुटपाट हुँदा चोरेर लगेका थिए । अन्य व्यक्तिको खोजी भइरहेको प्रहरीले जनाएको छ ।
