1 मिनेट 
काठमाडौं,२० चैत।
महाधिवेशनको तयारीमा रहेको लोकतान्त्रिक समाजवादी पार्टी नेपालले स्थानीय तहको अधिवेशनको म्याद थप गरेको छ । आज बसेको पार्टी सचिवालयको बैठकले चैत मसान्तभित्र अधिवेशन सम्पन्न गर्ने गरी म्याद थप गरेको हो ।
यसअघि, चैत १७ गतेभित्र सबै स्थानीय तहको अधिवेशन सम्पन्न गर्न लोसपाले सर्कुलर जारी गरेको थियो । तर, तोकिएको समयमा अधिवेशन सम्पन्न नभएपछि त्यसको म्याद थप गरिएको छ ।
स्थानीय तहको अधिवेशन गराउन म्याद थप गरिएको यो दोस्रोपटक हो । यसअघि सबैभन्दा पहिले चैत ७ गतेभित्र अधिवेशन सम्पन्न गर्न सर्कुलर जारी गरेको थियो । सो समयभित्र अधिवेशन सम्पन्न नभएपछि चैत १७ गतेभित्र सम्पन्न गर्न भनिएको थियो । यो समयसीमामा पनि अधिवेशन सम्पन्न नहुने भएपछि चैत मसान्तको समय थपिएको सो पार्टीका महासचिव मनिष मिश्रले बताए ।
