राष्ट्रिय जनमोर्चाले आइतबारदेखि ३० गतेसम्म साप्ताहव्यापी राजधानी केन्द्रित आन्दोलन गर्ने

पत्रकार सम्मेलनमा पूर्वराजा ज्ञानेन्द्र शाहको फागुन ७ गतेको सन्देश, फागुन २५ गते आयोजित राजावादी शक्ति प्रदर्शन र चैत्र १५ गतेको हिंसात्मक घटनालाई प्रतिगमनको गम्भिर सङ्केतका रूपमा उल्लेख गरिएको छ । राष्ट्रिय जनमोर्चाले सम्पूर्ण गणतन्त्रवादी शक्तिहरूबीच सहकार्यको आवश्यकता औंल्याएको छ ।आन्दोलनअन्तर्गत प्रत्येक दिन राजधानीका विभिन्न स्थानमा जुलुस, सभा, सांस्कृतिक कार्यक्रम र प्रचारात्मक अभियान सञ्चालन गरिनेछ । सभा हुने प्रमुख स्थानहरूमा शान्तिबाटिका (रत्नपार्क), चाबहिल चौक, माइतीघर मण्डला, गोंगबु चौक, न्यूरोड ९भूगोल पार्क० र भृकुटीमण्डप रहेका छन् ।

आन्दोलन प्रत्येक दिन दिउँसो २ बजे हुनेछ । आन्दोलनमा अध्यक्ष केसी, नेता बोमबहादुर खत्री, महासचिव मनोज भट्ट, नेकपा (मसाल) लुम्बिनी प्रदेश प्रवक्ता तिलक जिसी, सल्लाहकार आनन्द शर्मा तथा उपाध्यक्ष दुर्गा पौडेल लगायतका नेताहरूले सम्वोधन गर्नेछन् । राष्ट्रिय जनमोर्चाले सम्पूर्ण नागरिकलाई आन्दोलनमा सहभागी भई गणतन्त्र र राष्ट्रियताको रक्षामा योगदान दिन अपिल गरेको छ ।