0 मिनेट 
सगरमाथा संवादमा भारतीय प्रधानमन्त्री नेरेन्द्र मोदी नेपाल नआउने भएका छन्। शनिबार थाइल्याण्ड भ्रमण सकेर स्वदेश फर्किएपछि आयोजित पत्रकार सम्मेलनमा प्रधानमन्त्री केपी शर्मा ओलीले भारतीय समकक्षी मोदी नआउने जानकारी दिएका हुन्।
प्रधानमन्त्री ओलीले शुक्रबार मात्रै मोदीसँग बैंककमा भेटवार्ता गरेका थिए। सो क्रममा प्रधानमन्त्री ओलीले आगामी जेठमा हुने सगरमाथा संवादमा आउन मोदीलाई निम्तो दिएका थिए।
तर, भारतबाट राम्रै स्तरको उपस्थिति हुने प्रधानमन्त्री ओलीले बताए। उनले मोदीसँग भेट अत्यन्तै राम्रो र सुमधुर वातावरणमा भएको र त्यसबाट आफू खुसी रहेको बताएका छन्।
