1 मिनेट 
२५ चैत ,काठमाडौँ ।
कमल थापा नेतृत्वको राप्रपा नेपालको सोमबार बसेको केन्द्रीय कार्य सम्पादन समिति बैठकले विभिन्न निर्णयहरु गरेको छ ।
बैठकले गत चैत १५ गते काठमाडौंको तीनकुनेमा भएको घटनालाई अराजक र हिंसात्मक बनाउन सरकार स्वयंले नियोजित षडयन्त्र गरेको निष्कर्ष निकालेको छ ।
तीनकुने घटनामा गोली काण्ड, सविन महर्जन र पत्रकार सुरेश रजकको दुस्खद मृत्यु, म्याद गुज्रिएको टियर ग्यासको प्रयोग, लुटपाट, आगजनी र प्रशासनिक दमनका बारेमा निष्पक्ष छानविनको लागि उच्चस्तरिय न्यायिक आयोग गठन गर्न समेत राप्रपा नेपालले माग गरेको छ । त्यस्तै चैत १५ गते कुनै अराजक गतिविधिमा संलग्न नरहेका बरु परिस्थितिलाई नियन्त्रण भन्दा बाहिर जान नदिन तथा भिडलाई संयमित हुन सार्वजनिक आह्वान गरिरहेका डा.धवल शमसेर राणा, रवीन्द्र मिश्र, पशुपति खड्का, मुनिन्द्र राजभण्डारी, आशिष तामाङ लगायतलाई झुठा मुद्दा लगाई थुनामा राखिएका सबैलाई तत्काल रिहा गर्न समेत राप्रपा नेपाल सरकारसँग माग गरेको छ ।
त्यस्तै बैठकले हिन्दुराष्ट्र र राजसंस्था सहितको प्रजातन्त्रको पुनस्स्थापना गर्न तथा विद्यमान भ्रष्ट व्यवस्था र भ्रष्ट शासकबाट देशलाई मुक्त तुल्याउन डा.जगमान गुरुङको संयोजकत्वमा गठन भएको संयुक्त जनआन्दोलन समितिलाई राप्रपा नेपालले पूर्ण रूपले सहयोग र समर्थन समेत गरेको छ ।
