1 मिनेट 
काठमाडौँ ,१९ वैशाख।
सरकारले स्वास्थ्य सेवालाई व्यवस्थित गर्न संघीय स्वास्थ्य सेवा ऐन र राष्ट्रिय गुणस्तर प्रत्यायन ऐन तर्जुमा गर्ने बताएको छ। यस्तै दुर्गम क्षेत्रमा विशेषज्ञ सेवा सञ्चालन गरिने, क्यान्सर सेवा प्रदेशस्तरमा विस्तार गरिनेसमेत सरकारले घोषणा गरेको छ।
राष्ट्रपति रामचन्द्र पौडेलले सरकारको आगामी आर्थिक वर्ष २०८२/८३ को नीति तथा कार्यक्रम सङ्घीय संसद्को दुवै सदनको संयुक्त बैठकमा प्रस्तुत गर्दै दुर्गम क्षेत्रमा विशेषज्ञ सेवा सञ्चालन गरिने तथा फागुन महिनामा नसर्ने रोग र स्कृनिङ परीक्षण कार्यक्रम सञ्चालन गरिने बताएका छन्।
उक्त कार्यक्रमा जलनको उपचार सेवा र मुटु रोगसम्बन्धी उपचार सेवा विस्तार गरिने उनले बताएका छन्।
जेष्ठ नागरिकको नि:शुल्क स्वास्थ्य उपचारको व्यवस्था मिलाइने, हरेक वर्षको फागुन महिनालाई नसर्ने रोग पहिचान महिनाको रुपमा मनाइने,औषधि तथा स्वास्थ्य सामग्रीसम्बन्धी एकीकृत ऐन तर्जुमा गरिने भएको छ।
