मन्त्रिपरिषद् बैठकका निर्णय सार्वजनिक

काठमाडौँ,२१ वैशाख ।

सरकारले नेपाल स्मार्ट शहरसम्बन्धी सूचकहरु स्वीकृत गर्ने निर्णय गरेको छ । वैशाख १७ गते बसेको मन्त्रिपरिषद् बैठकका निर्णय सार्वजनिक गर्दै सरकारका प्रवक्ता पृथ्वीसुब्बा गुरुङले नेपाल स्मार्ट शहरसम्बन्धी सूचकहरु २०८१ लाई स्वीकृत गर्ने निर्णय गरेको जानकारी दिए ।

बैठकले वन तथा वातावरण मन्त्रालयअन्तर्गत सुरक्षार्थ खटिएका करारमा कार्यरत सशस्त्र वन रक्षकलाई समेत पोशाक उपलब्ध गराउन स्वीकृति प्रदान गर्ने निर्णय गरेको छ भने नेपाल हज समिति (गठन तथा सञ्चालन) आदेश २०८१ स्वीकृत गर्ने र स्वस्थ्य बीमा (पहिलो संशोधन) नियमावली स्वीकृत गर्ने निर्णय समेत गरेको प्रवक्ता गुरुङले जानकारी दिए ।