1 मिनेट 
काठमाडौँ,३० वैशाख ।
आईसीसी विश्व टेस्ट च्याम्पियनशिप फाइनलका लागि अस्ट्रेलियाको टोली घोषणा गरेको छ । क्रिकेट अस्ट्रेलियाले दक्षिण अफ्रिकासँगको फाइनलका लागि आज १५ सदस्यीय टोली घोषणा गरेको हो ।
यसअघि चोटका कारण भारतसँगको पाँच खेलको टेस्ट शृङ्खला गुमाएका अलराउन्डर क्यामरन ग्रीन अस्ट्रेलियाली टोलीमा फर्किएका छन् । साथै टेस्ट टोलीमा कप्तान प्याट कमिन्स र अर्काे तीव्र गतिका बलर जोश हेजलवूड पनि फर्किएका छन् । यी दुवैले चोटका कारण च्याम्पियन्स ट्रफी गुमाएका थिए र पछि आईपीएल २०२५ मा खेलेका थिए ।
अस्ट्रेलियाली टोलीमा प्याट कमिन्स, स्कट बोल्यान्ड, एलेक्स केरी, क्यामरन ग्रीन, जोश हेजलवूड, ट्राभिस हेड, जोश इङ्गलिस, उस्मान ख्वाजा, साम कन्स्टास, म्याथ्यु कुन्हेमान, मार्नुस लाबुशेन, नाथन लायन, स्टिभ स्मिथ, मिचेल स्टार्क र बेउ वेबस्टेर छन् ।
विश्व टेस्ट च्याम्पियनशिप फाइनल आउँदो जुन ११ देखि बेलायतको लर्ड्स क्रिकेट मैदानमा शुरू हुनेछ ।
