1 मिनेट 
भक्तपुर, २ असोज : नेकपा एमालेका अध्यक्ष एवं निवर्तमान प्रधानमन्त्री केपी शर्मा ओली आजबाट भक्तपुरको गुण्डुमा बसाई सर्नु भएको छ ।
जेन्जी आन्दोलनका क्रममा गत २४ गते प्रधानमन्त्रीबाट राजिनामा दिएपछि नेपाली सेनाले सुरक्षा घेरामा रहनु भएको उहाँले आजबाट सूर्यविनायक नगरपालिका–७ गुण्डुस्थित एक भाडाको घरमा बसाई सर्नु भएको हो ।
बालकोटस्थित ओलीको निवास गत २४ गते प्रर्दशनकारीले आगजनी गरेपछि उहाँका लागि नेकपा एमाले पोलिटव्यूरो सदस्य महेश बस्नेतले स्थानीय विष्णु शाक्यको घर भाडामा लिएर बसोबासको व्यबस्था गरिएको हो ।
गुण्डुमा अध्यक्ष ओलीले बसाई सरेपछि आजै नेता बस्नेत, पार्टीका महासचिव शंकर पोखरेल, नेता भानुभक्त ढकाल, एमाले भक्तपुर जिल्ला अध्यक्ष बचन देउजालगायतले भेट गर्नु भएको छ । एमालेले संविधान दिवसको अवसरमा च्यासलस्थित पार्टी कार्यालयमा आयोजना गर्ने कार्यक्रममा अध्यक्ष ओलीले संबोधन गर्ने कार्यक्रम तय भएको बताईएको छ ।
