1 मिनेट 
भक्तपुर, ३ असोज : जेन्जी आन्दोलनका क्रममा शहीद भएका परिवार र घाइते परिवारलाई नेपाल आयल निगम हवाइ इन्धन डिपो, सिनामंगलका कर्मचारीहरूले आर्थिक सहयोग गरेका छन् ।
आज डिपोका प्रमुख प्रदीप कुमार यादव, उपनिर्देशक रामहरि निरौला, लेखाप्रमुख प्रवेश पाठककर्मचारी टोलीले भक्तपुरको चाँगुनारायण नगरपालिका–२ दुवाकोट सोमथलीस्थित शहीद परिवारको घरमा पुगेर आर्थिक सहयोग हस्तान्तरण गर्नु गरेको हो ।
वाग्मती प्रदेशका संस्कृति तथा पर्यटन मन्त्री सुरेश श्रेष्ठले विशेष समन्वय शहीद महेश बुढाथोकीको परिवारलाई रु.३० हजार, दुवाकोट सोमथलीकै शहीद अभिषेक चौलागाईको परिवारलाई रु. १५ हजार ५५० र शहीद सुभाष बोहोरा, ओजन बुढा तथा दिपेश सुनुवारको परिवारलाई जनही रु. २५ हजारका दरले कूल एक लाख २० हजार ५५० रुपैयाँ आर्थिक सहयोग हस्तान्तरण गरेको हो ।
त्यसैगरि आन्दोलनका क्रममा घाईते भएका सुभाष अर्याल (गुल्मी), ऋषिकेश यादव (कैलाली), रोशन रेग्मी (गोरखा), जगदिश परियार (रुकुम पश्चिम), दिपेश नेपाली (नुवाकोट), कुमार दाहाल (काभ्रेपलान्चोक) लाई जनही रु. १५ हजारका दरले कूल ९० हजार रुपैयाँ सहयोग रकम प्रदान गर्नु भएको हो ।
