1 मिनेट 
अहमदाबाद – गुजरात टाइटन्सले रोयल च्यालेन्जर्स बैंगलोरलाई ४ विकेटले पराजित गर्दै इन्डियन प्रिमियर लिग २०२६को ४२औँ खेलमा सहज जित निकालेको छ।
नरेन्द्र मोदी स्टेडियममा बिहीबार राति सम्पन्न खेलमा बैंगलोरले दिएको १५६ रनको लक्ष्य गुजरातले १५.५ ओभरमै ६ विकेट गुमाएर १५८ रन बनाउँदै पूरा गरेको हो।
पहिले ब्याटिङ गरेको बैंगलोरले निर्धारित २० ओभरमा ९ विकेट गुमाउँदै १५५ रन मात्र बनाउन सकेको थियो। कुनै पनि ब्याटरले ठूलो इनिङ खेल्न नसक्दा टोलीले मध्यम योगफलमै चित्त बुझाउनुपरेको थियो।
गुजरातका लागि अलराउन्डर जेसन होल्डरले निर्णायक प्रदर्शन गरे। उनले बलिङमा २ विकेट लिनुका साथै ३ क्याच लिए भने ब्याटिङमा १० बलमा १२ रन योगदान दिए। उनी खेलको ‘प्लेयर अफ द म्याच’ बने।
यस जितसँगै गुजरात टाइटन्स १० अंकसहित तालिकाको पाँचौँ स्थानमा उक्लिएको छ भने पराजित बैंगलोर १२ अंकसहित दोस्रो स्थानमा यथावत रहेको छ।
