0 मिनेट 
भक्तपुर — मनसुनका समयमा हुनसक्ने विपद् जोखिमलाई ध्यानमा राख्दै भक्तपुरमा जल उद्धार तथा विपद् प्रतिकार्य अभ्यास गरिएको छ।
जिल्ला प्रहरी परिसर भक्तपुर ले भक्तपुर नगरपालिका–१ स्थित भाज्या पुखुमा उक्त अभ्यास सञ्चालन गरेको हो। अभ्यासका क्रममा पोखरीमा डुबेका व्यक्तिलाई उद्धार गर्ने, प्राथमिक उपचार गर्ने तथा रबर बोट प्रयोग गर्ने तरिकाबारे प्रशिक्षण दिइएको थियो।
प्रहरी निरीक्षक दाताराम अधिकारी का अनुसार विपद् तथा प्राकृतिक प्रकोपको प्रभावकारी प्रतिकार्य र पूर्वतयारीका लागि यस्तो अभ्यास गरिएको हो।
अभ्यासमार्फत मनसुनका बेला आइपर्न सक्ने आपतकालीन अवस्थासँग जुध्न प्रहरीलाई तयारी अवस्थामा राख्ने लक्ष्य राखिएको जनाइएको छ।
