1 मिनेट 
Indian Premier League अन्तर्गत ४८औं खेलमा Chennai Super Kings ले Delhi Capitals माथि ८ विकेटको सहज जित निकालेको छ।
दिल्लीस्थित घरेलु मैदानमा टस जितेर पहिले ब्याटिङ गरेको दिल्लीले निर्धारित २० ओभरमा ७ विकेट गुमाउँदै १५५ रन बनाएको थियो। १५६ रनको लक्ष्य पछ्याएको चेन्नईले २ विकेट मात्र गुमाएर १७.३ ओभरमै लक्ष्य पूरा गर्यो।
चेन्नईको जितमा Sanju Samson नायक बने। उनले ५२ बलमा अविजित ८७ रनको उत्कृष्ट इनिङ खेलेर ‘प्लेयर अफ द म्याच’ समेत हात पारे।
चेन्नईले १५ बल बाँकी छँदै जित निकालेपछि अंक तालिकामा आफ्नो स्थिति बलियो बनाएको छ। १० खेलबाट १० अंक जोडेको चेन्नई छैटौं स्थानमा छ भने समान खेल खेलेको दिल्ली ८ अंकसहित सातौं स्थानमा सीमित भएको छ।
दिल्लीका बलरले अपेक्षाअनुसार प्रदर्शन गर्न नसक्दा चेन्नईका ब्याटरहरू हाबी भएका थिए। यो हारसँगै दिल्लीको प्लेअफ यात्रा थप चुनौतीपूर्ण बनेको छ।
