0 मिनेट 
सुनसरीमा एम्बुलेन्सबाट १४८ किलो गाँजासहित दुई जना पक्राउ
सुनसरी– बराहक्षेत्र नगरपालिका–२ पुल्ठेगौडाबाट अवैध लागूऔषध गाँजा १४८ किलोग्रामसहित दुई जनालाई प्रहरीले पक्राउ गरेको छ।
पक्राउ पर्नेहरूमा भारतको बिहार राज्य सुपोल, बिरपुर बस्ने २१ वर्षीय मो. सदाम र १८ वर्षीय एक किशोर रहेका छन्।
इलाका प्रहरी कार्यालय चतराबाट खटिएको टोलीले चतराबाट तेह्रआर्डीतर्फ आउँदै गरेको बीआर ०७ पिसि ४७६५ नम्बरको एम्बुलेन्समा सवार उनीहरूलाई उक्त परिमाणको गाँजासहित नियन्त्रणमा लिएको हो।
घटनाबारे थप अनुसन्धान भइरहेको प्रहरीले जनाएको छ।
