गाजाको थप भूभाग कब्जा गर्न इजरायली सेनालाई निर्देशन

काठमाडौं– बेन्जामिन नेतन्याहु ले गाजा पट्टी को थप भूभाग कब्जा गर्न इजरायली सेनालाई निर्देशन दिएका छन्। बिहीबार दिएको अभिव्यक्तिमा उनले प्रारम्भिक चरणमा गाजाको करिब ७० प्रतिशत क्षेत्र नियन्त्रणमा ल्याउने लक्ष्य रहेको बताएका हुन्।

समाचार एजेन्सी रोयटर्सका अनुसार उक्त कदम इजरायल र हमास बीच सन् २०२५ अक्टोबरमा भएको युद्धविराम सम्झौताविपरीत मानिएको छ।

हाल गाजा पट्टी का अधिकांश बासिन्दा समुद्री तट नजिकको सानो क्षेत्रमा सीमित हुन बाध्य भएका छन्। विभिन्न अन्तर्राष्ट्रिय अनुमानअनुसार इजरायलले यसअघि नै गाजाको करिब ६४ प्रतिशत भूभागमा प्रभावकारी नियन्त्रण कायम गरिसकेको छ।

सन् २०२३ मा दक्षिणी इजरायल मा हमास ले गरेको आक्रमणपछि सुरु भएको युद्ध दुई वर्षदेखि जारी छ। त्यसयता इजरायली सैन्य कारबाहीका कारण गाजाको ठूलो हिस्सा ध्वस्त बनेको छ भने मानवीय संकट पनि गहिरिँदै गएको छ।

जारी युद्धका कारण हजारौँ मानिस विस्थापित भएका छन् भने खाद्य, स्वास्थ्य सेवा र आधारभूत आवश्यकतामा गम्भीर संकट उत्पन्न भएको अन्तर्राष्ट्रिय निकायहरूले बताएका छन्।