बकुलहर रत्ननगर अस्पतालको निरीक्षण गर्दै मन्त्री मेहताद्वारा जनशक्ति र प्राविधिक सहयोगको प्रतिबद्धता

भरतपुर – Nisha Mehtaले चितवनको रत्ननगरस्थित Bakulahar Ratnanagar Hospitalको निरीक्षण गर्दै अस्पतालमा आवश्यक प्राविधिक उपकरण र जनशक्ति व्यवस्थापनमा मन्त्रालयले सहयोग गर्ने प्रतिबद्धता व्यक्त गरेकी छन्।

मंगलबार सांसद Hari Dhakalसहित अस्पताल निरीक्षणमा पुगेकी मन्त्री मेहताले स्वास्थ्य सेवा प्रभावकारी रूपमा सञ्चालन गर्न र नागरिकबाट गुनासो नआउने गरी सेवा प्रवाह गर्न चिकित्सक तथा स्वास्थ्यकर्मीलाई निर्देशन दिइन्।

उनले नागरिकले सहज र गुणस्तरीय स्वास्थ्य सेवा प्राप्त गर्ने व्यवस्था गर्नु सरकारको दायित्व भएको उल्लेख गर्दै स्वास्थ्य बीमा कार्यक्रमअन्तर्गत पनि प्रभावकारी सेवा प्रवाह गर्नुपर्नेमा जोड दिइन्।

निरीक्षणका क्रममा अस्पतालका निमित्त निर्देशक Dr. Ankur Poudelले अस्पतालका लागि सिटी स्क्यान मेसिन आवश्यक रहेको भन्दै बजेट व्यवस्था गरिदिन मन्त्रीसमक्ष अनुरोध गरे।

उनले चिकित्सकसहित आवश्यक जनशक्ति व्यवस्थापन र भौतिक पूर्वाधार निर्माणका लागि पनि मन्त्रालयको सहयोग आवश्यक रहेको बताए।

यस अवसरमा सांसद हरि ढकालले प्रदेश सरकार मातहत रहेको अस्पतालमा नर्सिङ कलेज स्थापना गर्ने पहल भइरहेको जानकारी दिए।

अस्पतालका अनुसार हाल बकुलहर रत्ननगर अस्पतालबाट दैनिक एक हजार ३०० भन्दा बढी बिरामीले स्वास्थ्य सेवा लिँदै आएका छन्।