1 मिनेट 
मकवानपुर, ३१ श्रावण । जिल्लाको हेटौँडा उपमहानगरपालिका– १९ नेवारपानीमा बस बस दुर्घटना हुँदा एक जनाको ज्यान गएको छ भने १५ जना घाइते भएका छन् । शुक्रबार बिहान झण्डै साढे २ बजे काठमाण्डौबाट रौतहटतर्फ जाँदै गरेको ना ५ ख २२३३ नम्बरको यात्रुवाहक बस अनियन्त्रित भएर बिजुलीको पोलमा ठोक्किएको र दुर्घटना भएको जिलला प्रहरी कार्यालय मकवानपुरले जनाएको छ ।
दुर्घटनामा ज्यान गुमाउने सर्लाही जिल्ला रामनगर बोरहवा गाउँपालिका– ५ का ५८ वर्षीय मुकेश शर्मा रहेको जील्ला प्रहरी कार्यालयका प्रहरी उपरीक्षक सिंहले जानकारी दिनुभयो । घाइते १५ जनामध्ये ८ जना हेटौँडाको चुरेहिल अस्पतालमा सामान्य उपचारपछि घर फर्किएको, चार जनाको भरतपुर अस्पतालमा उपचार भैरहेको र अन्य तीन जनाको चुरेहिल अस्पतालमा नै उपचार भैरहेको प्रहरीले जनाएको छ ।
