दाङको एक फर्निचर उद्योगमा आगलागी, झण्डै ६५ लाखको क्षति

दाङ,३२ श्रावण । दाङको लमहीस्थित एक फर्निचर उद्योगमा शुत्रवार राती आगलागी भएको छ । लमही नगरपालिका– ५ मा रहेको विश्वास काष्ठ फर्निचर उद्योगमा आगलागी हुँदा झण्डै ६५ लाखको क्षति भएको उद्योग सञ्चालक रविलाल आचार्यले जानकारी दिनुभएको छ । विद्युत सर्ट हुँदा आगो सल्किएको हुन सक्ने अनुमान गरिएको छ । मध्यरातमा आगो लाग्दा निभाउन कठिन भएको र क्षति बढी भएको सञ्चालक आचार्यले बताउनुभयो । लमही नगरपालिकाको दमकल, पानी ट्यांकर, स्थानीय बासिन्दा, प्रहरीको सक्रियतमा आगो निभाइएको थियो ।