चितनवमा संविधानविरोधी नारा लाउनेलाई समात्न सांसदहरुको माग

काठमाडौं,३ भाद्र । प्रतिनिधीसभाको मंगलवारको बैठकमा पत्रकार शालिकरम पुडासैनी आतमहत्या र टेलिभिजन प्रस्तोता रवि लामिछाने पक्राउबारे कुरा उठेको छ । नेपाल कम्युनिस्ट पार्टी (नेकपा) का सांसद शान्ता चौधरीले अनुसन्धान चलिरहेका बेला त्यसलाई प्रभावित पार्न खोज्ने गतिविधि भइरहेको बताउनुभएको छ । ‘को दोषी, को निर्दोस भन्ने कुरा अदालतमा चलिरहेको बेला अनुसन्धान प्रभावित बनाउन खोज्ने प्रवृत्ति सही होइन,’ उहाँले भन्नुभयो । त्यस्तै नेकपाका सांसद हितबहादुर तामाङले चितवनको सडकमा संविधानविरोधी नारा लागिरहेको भन्दै सरकारले तत्काल नियन्त्रण गर्नुपर्ने बताउनुभएको छ । अहिले चितवनका सडकमा प्रदर्शनका क्रममा संविधानविरोधी नारा लाग्न थालेको पनि सुन्नमा आएकाले त्यसलाई तुरुन्त नियन्त्रण गर्न नेपाल सरकार सक्रिय हुनुपर्ने माग राख्नुभयो ।