३५० करोड बजेट भएकाे ’साहो’ सिनेमाको लागत रिलिज अगावै सुरक्षित

१० भाद्र २०७६ । ३० अगस्टमा झण्डै दुई वर्षपछि पर्दामा प्रभाष ’साहो’ सिनेमा मार्फत आउँदैछन् । सिनेमा यस वर्षको प्रतिक्षित सिनेमा मध्येको एक हो । सिनेमाको निर्माण, कलाकारको पारिश्रमिक, प्रचार तथा एक्सनसम्मका लागि भारी मात्रामा रकम खर्च गरिएको छ । रिलिजसम्म सिनेमाले ३५० करोड भारूको बजेट खर्च गरिसकेको छ ।
त्यसो त सिनेमाले आफ्नो लागत रिलिज अगावै सुरक्षित गरिसकेको बताइन्छ ।
शुक्रबारबाट सिनेमा भारतभरका १० हजार पर्दामा हिन्दी, तमिल, तेलेगु र मलयालम भाषामा रिलिज हुँदैछ । सिनेमाले हिन्दी संस्करणमा मात्र पहिलो दिन करिब २२ करोड भारू कमाउने अनुमान गरिएको छ ।
त्यस्तै आन्द्र प्रदेश र तामिलनाडीमा सिनेमाले पहिलो दिनमा ७५ करोड कमाइ गर्ने अनुमान गरिएको छ । यस हिसाबले भारतभर गरेर सिनेमाले सय करोड नजिकको व्यापार गर्ने अनुमान छ ।