1 मिनेट 
१३ भाद्र २०७६, भक्तपुर । नेपाली साहित्यका मुर्धन्य स्रष्टा एवं युवाकवि मोतीराम भट्टको १५४ औं जन्मजयन्ती मनाईएको छ ।
भक्तपुरको च्याम्हसिँहस्थित वागीश्वरी माध्यामिक विद्यालय र कलेजले युवाकवि भट्टको सम्झनामा आज गजल गोष्ठीको आयोजना गरि जयन्ती मनाएको हो ।
कार्यक्रममा स्रष्टाहरु कविराज तामाङ, ईश्वर थोकर, श्याम माकजू, राष्ट्र पुकार, दिलकुमार बाला, काशीराम विरस, लालबहादुर भुजेल, दधिराम गेलाल, रवीन्द्र न्हेमाफूकी, जितेन्द्र रसिक, हरिसुन्दर छुकां, कमल रिजाल, श्यामसुन्दर कायस्थ सुप्रिय थापा रुसिस त्रिपाठी लगायतले गजल वाचन थिए ।
त्यसैगरि विद्यार्थीहरु आशिका ढकाल, कृष्मा तामाङ, राजकुमार तामाङ, निमा लामा लगायत १० जना विद्यार्थीले गजल वाचन गरेका थिए ।
त्यसअवसरमा कार्यक्रमका सभापति एवं विद्यालयका सहायकप्रधानाध्यापक ज्ञानसागर प्रजापति, शिक्षक हरिप्रसाद बास्तोला लगायतले मोतीराम भट्टले नेपाली गजलमा पुर्याएको योगदानको चर्चा गर्नु भएको थियो ।
