बेलायतका प्रधानमन्त्रीको निर्णयविरुद्ध हजारौं सडकमा

१५ भाद्र २०७६, लण्डन । बेलायतका प्रधानमन्त्री बोरिस जोहन्सनले संसद निलम्बन गर्ने निर्णय गरेकोमा त्यसको विरुद्धमा लण्डनमा सर्बसाधारणले विरोध प्रदर्शन गरेका छन् । हजारौं प्रदर्शनकारीहरु प्रधानमन्त्रीको निर्णयको विरुद्धमा म्यानचेस्टर, लीड्स,योर्क र बेल्फास्ट लगायतका क्षेत्रमा सडकमा उत्रिएका थिए । मध्य लण्डनका भागहरु प्रदर्शनका क्रममा ठप्प पारिएका थिए । उनीहरुले लिएका प्ले—कार्डमा ‘बोरिस जोहन्सन, सेम अन यु’ लेखिएको थियो । अर्को सानो समूहले भने वेस्टमिन्स्टर क्षेत्रमा गएर प्रधानमन्त्रीको समर्थनमा प्रदर्शन गरेको थियो । बेलायतका प्रधानमन्त्रीले हालै संसद निलम्बन गरिने जनाएका थिए ।