1 मिनेट 
१५ भाद्र २०७६ । त्रिभुवन अन्तर्रा्ष्ट्रिय विमानस्थल आजबाट पुनः ७ घन्टा बन्द हुने भएको छ । नेपाल नागरिक उड्डयन प्राधिकरणले नोटाम जारी गर्दै आज बेलुका साढे ११ बजेदेखि बिहान साढे ६ बजेसम्म विमानस्थल बन्द गर्न लागेको हो । नोटाम जारी भएको समय अर्थात् रातको २ बजेबाट साढे २ बजेसम्म भने नेपाल एयरलाइन्सको ओसाका उडान भर्ने विमानका लागि नोटाम लागू हुने छैन । नेपाल एयरलाइन्सले भदौ १२ बाट ओसाका उडान गर्दैछ ।
विमानस्थलको ट्याक्सी वे, ट्याक्सी वे र रन–वे बीचको लिंक रोड जोड्ने कामका लागि प्राधिकरणले नोटाम जारी गर्दै विमानस्थलमा हुने उडान तथा अवतरण बन्द गर्न लागेको हो । साथै उक्त समयमा रन–वेमा लाइटिङको काम पनि हुने विमानस्थल कार्यालयका प्रमुख राजकुमार क्षेत्री बताउँनुहुन्छ ।
यसअघि चैत १८ गतेबाट असार १५ गतेसम्म बेलुका १० बजेदेखि बिहान ८ बजेसम्म विमानस्थलको सबै उडान तथा अवरतण बन्द गर्दै धावनमार्गको पिच परिर्वतनको काम भएको थियो ।
