वन विधेयकको अवधारणामाथि काँग्रेसको आपत्ति

१६ भाद्र २०७६, काठमाडौं । सरकारले ल्याएको वन बिधेयक को अवधार।णामाथी प्रमुख प्रतिपक्षि दल नेपाली काँग्ृसले आपत्ति जनाएको छ । नेपाली काँग्रेसका राष्ट्रियसभा सांसद राधेश्याम अधिकारीले वनको व्यवस्थापनमा संघीय सरकारले हस्तक्षेप गर्ने गरी सो विधेयकको सैद्धान्तिक अवधारणा आएको दावी गर्दै आपत्ति जनाउनुभएको हो । सोमबार संघीय संसदको विधायन व्यवस्थापन समितिको बैठकमा सो विधेयकमाथिको दफावार छलफलमा भाग लिँदै उहाँले वनको संरक्षणको लागि सुरक्षाकर्मी परिचालन गर्ने कुरा संघीय सरकारले मातहत रहने गरी कानुन बनाउन खोजिएको भन्दै त्यसलाई तत्काल सच्याउन मा ग समेत गर्नुभएको छ । सांसद अधिकारीले संघीयतमा गएपछि वन व्यवस्थापनको सम्पूर्ण अधिकार प्रदेश र स्थानीय तहलाई दिनुपर्ने संवैधानिक व्यवस्था विपरित सरकारले सो विधेयक ल्याएको दावी गर्दै मान्य नहुने अडान राख्नुभयो ।
यता, वन तथा वातावरण मन्त्रालयका सचिव डा.विश्वनाथ ओलीले सुरक्षाकर्र्मीहरु संघीय सरकारको मातहत हुने भएकाले वन व्यवस्थाका लागि उनीहरुलाई परिचालन गर्ने अधिकार संघीय सरकारले नै गर्नेगरी कानुनी व्यवस्था गर्न लागिएको स्पष्टिकरण दिनुभएको थियो । उहाँले वन संरक्षण संवेदनशील विषय भएकाले यसको संरक्षणका लागि विशेष व्यवस्था गरेर अघि बढनुपर्नेमा पनि जोड दिनुभयो ।