1 मिनेट 
२२ भाद्र २०७६ । कम्युनिष्ट गढ मानिएको प्रधानमन्त्री केपी शर्मा ओली तथा उहाँकै सरकारका अर्थमन्त्री डा युवराज खतिवडाको गृहनगर दमकमा कांग्रेस निकट व्यवसायीहरुले उद्योग वाणिज्य संघमा निर्वाचन जीतेपछि अवीर जात्रा भएको छ ।
आइतवार विहान सम्पन्न मतगणना अनुसार उद्योग बाणिज्य संघ दमकको अध्यक्षमा लोकतान्त्रीक समुहका गोकुल श्रेष्ठ बिजयी बन्नुभएको छ । प्रगतिशिल समुहका बिमल खतिवडालाई ४९५ मतको फराकिलो अन्तरले पराजित गर्दै श्रेष्ठ बिजयी बन्नुभएको हो । निर्वाचन समितिले घोषणा गरेको अन्तिम मत परिणाम अनुसार श्रेष्ठले १४११ मत प्राप्त गरेका थिए भने उनहााँ निकटतम प्रतिद्वन्दी खतिवडाले ९१६ मत मात्रै प्राप्त गर्नुभयो ।
बरिष्ठ उपाध्यक्षमा भन्नुभयो प्रगतिशिलका देविप्रसाद गुरागाईं(गोपाल) बिजयी बन्नुभयोे । उहाँले १२७६ मत प्राप्त गर्दा निकटतम प्रतिद्वन्दी लोकतान्त्रीकका सहदेव आचार्य(सुरज)ले १०१४ मत प्राप्त गर्नुभयो । प्रथम उपाध्यक्षमा लोकतान्त्रीकका राजु खड्का १२०९ मत प्राप्त गरी बिजयी भए भने प्रगतिशिलका युवराज घिमिरेले १०७३ मत प्राप्त गर्नुभयो । द्वितिय उपाध्यक्षमा लोकतान्त्रीककै राजकुमार योङया १०५२ मत प्राप्त गर्दै बिजयी बन्नुभयो । प्रगतिशिलका घनश्याम खनालले ९०६ मत र स्वतन्त्र उम्मेद्वार टिकाराम प्रसाईंले ३५५ मत प्राप्त गर्नुभयो । तृतीय उपाध्यक्षमा लोकतान्त्रीककै रमा लिम्बु १२०२ मत प्राप्त गर्दै बिजयी बनिन भने प्रगतिशिलका ज्ञाननाथ पौडेल(ज्ञानु)ले १०६१ मत प्राप्त गर्नुभयो ।
