1 मिनेट 
१ असाेज २०७६ । तालिबानले आफ्नो तर्फबाट वार्ताको ढोका बन्द नरहेको बताएको छ । अमेरिकी राष्ट्रपति डोनाल्ड ट्रम्प वार्ता पुनः स्थापित गर्न चाहन्छन् भने आफ्नो तर्फबाट ढोका खुला नै रहेको तालिबानले बताएको बिबिसीले उल्लेख गरेको छ ।
तालिबानको तर्फका वार्ता प्रमुख शर मोहम्मद अब्बास स्तानिक्जाइले वार्ता नै आफगानिस्तानमा शान्ति स्थापनाको एक मात्र माध्यम रहेकोमा जोड दिएका छन् । ट्रम्पले गएको हप्ता अफगान तालिबानसँगको वार्ता अन्त्य भएको बताएका थिए ।
सेप्टेम्बरको सुरुमा अमेरिका र तालिबानले विभिन्न चरणमा भएको वार्तामा सहमतिमा पुगेको र त्यसमा अन्तिम सम्झौताको तयारी भएको बताएका थिए । सो सहमतिले अफगानिस्तानमा १८ वर्षदेखि जारी हिंशा अन्त्य गर्ने अपेक्षा गरिएको थियो ।
