0 मिनेट 
काठमाडौं, २८ भदौ ।
नेपाल कम्युनिस्ट पार्टी (एकीकृत समाजवादी)का अध्यक्ष माधव नेपालले नेपालका कम्युनिस्ट पार्टीहरू विदेशी शक्तिसामु लम्पसार परेको दाबी गर्नुभएको छ । काठमाडौंमा आयोजित पुस्तक विमोचन कार्यक्रमलाई सम्बोधन गर्दै नेपालले यस्तो बताउनुभएको हो ।
नेपालका कम्युनिस्ट पार्टीहरूमा चरम गुटबन्दी, अवसरवाद र अहंकारी प्रवृत्ति देखिएकाले यसलाई चिर्न र जुध्न कम्युनिस्ट पार्टीहरूले क्रान्तिकारी सर्वहारा संस्कृतिको विकास गर्नुपर्ने नेपालको भनाइ रहेको छ । नेता नेपालले नेपालमा कम्युनिस्ट पार्टीले नै समाजवादी क्रान्तिको लक्ष्य पुरा गर्ने र त्यसको नेतृत्व आफ्नै पार्टीले गर्ने स्पष्ट पार्नुभएको थियो ।
