देश गम्भीर मुठभेडतर्फ गयो‚ ओलीजस्तो गल्ती नगर्नुस महेश आचार्यको देउवालाई सुझाव

काठमाडौँ, २८ भदौ ।
नेपाली कांग्रेसका नेता महेश आचार्यले देश गम्भीर मुठभेडतर्फ गइरहेकाले यसलाई रोक्न प्रधानमन्त्री शेबहादुर देउवासँग आग्रह गर्नुभएको छ ।उहाँले मुठभेडबाट रोक्न तत्काल संवाद‚ छलफल सुरु गर्न र निर्वतमान प्रधानमन्त्री केपी शर्मा ओलीले जस्तो गल्ती नगर्न पनि प्रधानमन्त्री देउवाको ध्यानकर्षण गर्नुभएको छ । नेता आचार्यले नेपालको संविधान र संसदीय लोकतन्त्र कम्युनिष्ट नेतृत्व र पार्टीको निशानामा परेको आरोप लगाउनुभएको छ । यस्तै‚ विधिको बेवास्ता र विकृत सत्ता राजनीतिमा कांग्रेसको आचरणले पनि संकट गहिरिँदै गएको औंल्याउनुभएको छ । नेता आचार्यले प्रधानमन्त्री संसदको नेता समेत रहेकाले संकटलाई समाधान गर्न प्रतिपक्षसँग संवाद प्रारम्भ गर्ने बताउनुभएको छ ।