‘नलाऊ माया दुइतिर..’ भनेर गीत गाउनेहरू तीनतिर पो भइयो : जसपाका संघीय परिषद् अध्यक्ष भट्टराई

काठमाडौँ, २१ चैत्र ।
जनता समाजवादी पार्टी जसपाका संघीय परिषद् अध्यक्ष डा. बाबुराम भट्टराई, नेकपा माओवादी केन्द्रका नेता वर्षमान पुन र राप्रपा केन्द्रीय सदस्य रेखा थापाबीच भेटघाट भएको छ ।
आज त्रिभुवन अन्तर्राष्ट्रिय विमानस्थलमा उहाँहरुको जम्काभेट भएको हो । उहाँहरुको भेट भएको जानकारी बाबुरामले सामाजिक सञ्जालमार्फत दिनुभएको हो ।
‘एअरपोर्टमा पुराना माओवादी सहकर्मीहरू वर्षमान पुन र रेखा थापासँग जम्काभेट ‘नलाऊ माया दुईतिर‘’ भनेर गीत गाउनेहरू तीनतिर पो भइयो भन्ने हाँसो पनि चल्यो, बाबुरामले फेसबुकमा लेख्नुभएको छ ।