भक्तपुरमा नेमकिपाको कीर्तिमान, ३० हजारको फराकिलो मतसहित प्रेम सुवाल विजयी

काठमाडौं,८ मंसिर ।
नेपाल मजदुर किसान पार्टीले भक्तपुरमा कीर्तिमानी जीत हासिल गरेको छ । नेमकिपाका सचिव प्रेम सुवाल फराकिलो मतान्तरसहित विजयी हुनुभयो ।
सुवालले ४२ हजार ७ सय ६१ मत प्राप्त गर्दा निकटम प्रतिद्वन्द्वी एमालेका नवराज गेलालले ११ हजार ९ सय ६८ मत प्राप्त गर्नुभयो । दुई उम्मेदवारबीचको मतान्तर ३० हजार ७ सय ९३ छ ।
तेस्रो स्थानमा राप्रपाका भरत खड्काले ९ हजार २ सय २२ मत प्राप्त गर्दा माओवादीका सुनिल गोठेले ५ हजार १ सय ६५ मत प्राप्त गर्नुभयो ।
२०४८ सालदेखि नै भक्तपुरमा नेमकिपाले चुनाव जित्दै आएको छ । २०७४ सालको प्रतिनिधि सभा निर्वाचनमा पनि भक्तपुर १ बाट सुवाल विजयी हुनुभएको थियो ।