1 मिनेट 
भक्तपुर, १२ भदौ : सूर्यविनायक नगरपालिका–८ आशापुरी र काभ्रेपलाञ्चोकको नैचालको सिमानामा रहेको शाखापुरी बल्बी खोलामा आएको बाढीले आज दिउँसो एक नौ वर्षीया बालिका बगाएको छ ।
भैसी चराउन गएको बेलामा खोलाले नैचालकी धनकुमार तामाङ र सजिता तामाङ दम्पत्तिको छोरी रसमु तामाङको मृत्यु भएको छ । तामाङको शव साँझ काभ्रेको पनौतीस्थित रोशी भूमिडाँडामा फेला परेको सूयविनायक नगरपालिकाका वडा नं. ८ का वडाध्यक्ष पुष्पराज बस्नेतले जानकारी दिनुभयो ।
दिउँसो भैसी चराउन दिदी १२ वर्षीया संगीता तामाङसंगै गएकी गएकी रसमुलाई खोला तर्ने क्रममा बगाएको हो ।
बालिका खोलाले बगाएको जानकारी पाए लगत्तै वडाध्यक्ष पुष्पराज बस्नेतसहितको सूर्यविनायक स्थित रणशेर ब्यारेकका नेपाली सेनाको उद्धार टोली, प्रहरी बृत्त जगातीको जनपथ प्रहरीको टोलीले उद्धार तथा खोजी कार्यमा जुटेको थियो ।
उद्धार तथा खोजी गर्ने क्रममा साँमm करिब ६ बजे बालिकाका शब रोशी भूमिडाँडामा फेला परेको जानकारी प्रहरीबाट आएको वडाध्यक्ष बस्नेतले जानकारी दिनुभयो । शव ल्याउन परिवारसहितको आफन्त र प्रहरीको टोली रोशी पुगेको छ ।
