हामीसँग जोडिनुहोस

कर्णालीमा भारी हिमपात, हवाई उडान लगायत यातायत बन्द

1 मिनेट

काठमाडौं,२१ माघ ।
कर्णाली प्रदेशका हिमाली जिल्ला मुगु , जुम्ला , डोल्पा , हुम्लामा भारी र बाक्लो हिमपात भएको छ । कर्णालीमा यो तेस्रोपटक हिमपात भएको हो । यसअघि माघ दोस्रो हप्ता र गत पुसमा पनि हिमपात भएको थियो । मुगुका प्राय सबै स्थानीय तह लगायत सदरमुकाम गमगढी बजारमा लगायतका क्षेत्रमा हिमपात भएको छ । यसका साथै जुम्लाका सबै स्थानीय तहका क्षेत्रमा पनि हिमपात भएको छ । हिजो बिहानैदेखि वर्षा भएको र अपराह्नपछि हिउँ पर्न सुरु भएको हो । हिमपातका कारण यहाँका हवाई उडान लगायत यातायत सेवा पनि बन्द भएका छन् । वर्षा र हिमपातले चिसो बढेकाले स्वास्थ्य सावधानी अपनाउन स्वास्थ्यकर्मीले सुझाव दिएका छन् । चिसोले बालबालिका तथा वृद्धवृद्धालाई बढी असर गर्ने भएकाले उनीहरुको ख्याल गर्न आग्रह गरिएको छ । वर्षासँगै हिमपात भएपछि किसान भने खुसी भएका छन् । हिमपात र वर्षाले गहुँलगायत हिउँदेबाली सप्रिने भन्दै किसान खुसी भएका हुन् ।

 

 

ट्रेण्डिङ

          अमृता अर्याल अस्मिता तामाङ
          रवि खड्का
          ©2023 Design and Developed By: Jamin Rai
          सम्पर्क
          ठेगाना सूर्यबिनायक–८, जगाती भक्तपुर, नेपाल
          यस वेवसाइटमा प्रकाशित कुनै पनि सामग्रीहरू पुनःप्रकाशन वा प्रसारण गर्नुअघि अनुमति लिनुहुन अनुरोध छ ।