0 मिनेट 
काठमाडौँ, २३ मंसिर ।
नेपाली कांग्रेसको आसन्न १४ औं महाधिवेशन उद्घाटनका दिन एमालेका अध्यक्ष केपी शर्मा ओली, माओवादी केन्द्रका अध्यक्ष पुष्पकमल दाहाल ‘प्रचण्ड’ र एकीकृत समाजवादीका अध्यक्ष माधवकुमार नेपालले भाषण गर्ने हुनुभएको छ । कांग्रेसले आफ्नो महाधिवेशनमा यी तीन दलका साथै अन्य दलका नेताहरूलाई पनि आमन्त्रण गरेको छ । गत फागुन २३ गतेसम्म एउटै दल नेकपामा रहेका यी तीन नेताबीच कटुतापूर्ण सम्बन्ध छ । प्रचण्ड र नेपालले नेकपा विभाजनको आरोप ओलीमाथि थोपर्ने गर्नुभएको छ भने ओलीले प्रचण्ड र नेपाललाई विभिन्न लान्छना लगाउँदै आउनुभएको छ ।
