1 मिनेट 
काठमाडौं,२४ फागुन।
काठमाडौं महानगरपालिकाका मेयर वालेन्द्र साह बालेनले नेकपा एमालेका नेता महेश बस्नेतलाई भेटेका छन् । बस्नेतलाई भेट्न बालेन उनकै निसा भक्तपुर गुन्डु पुगेका हुन् ।
बुधबार बिहान दुवैबीच भएको भेटलाई निकै नै अर्थपूर्ण तरिकाले हेरिएको छ । बस्नेत बालेनको कार्यशैलीप्रति निकै नै रुष्ट थिए । मेयर साहले विकास निर्माणको नाममा भत्काउने र कानूनको समेत ख्याल नगरेको भन्दै बस्नेतले उनका कदमविरुद्ध सार्वजनिक मञ्च र सामाजिक सञ्जालबाट आलोचना र टिप्पणी गर्दै आएका छन् ।
बस्नेतको घरमा ‘लञ्च मिटिङ’ नै गरेर फर्केका साहले विगतका असमझदारी हटाएर सहकार्य गरेर अघि बढ्न बस्नेतसँग आग्रह गरेको बुझिएको छ । बस्नेतले पनि राम्रा कामहरुमा आफूहरुको सधै साथ रहने र सहकार्यसमेत गर्ने प्रतिबद्धता जनाएको बुझिएको छ ।
