0 मिनेट 
भक्तपुर, ११ असार : भक्तपुर अस्पतालले पाठेघर (आङ) खसेका महिलाहरुको निःशुल्क शल्यक्रिया सेवा सुरु गरेको छ ।
वागमति प्रदेश सरकारको स्वास्थ्य मन्त्रालय अन्र्तगतको निःशुल्क पाठेघर खस्ने रोगको उपचार सेवा सुरु गरेको अस्पतालका निमित्त निर्देशक डा. सुरेन्द्र भट्टले जानकारी दिनुभयो ।
पाठेघर (आङ) खसेका महिलाहरुको निःशुल्क शल्यक्रिया अभियानको रुपमा सुरु गरेको अस्पतालले पहिलो दिन मंगलबार तीन जनाको शल्यक्रिया गरेको र दोश्रो दिन आज पाँच जनाको शल्यक्रिया गरिने जानकारी दिनुभयो ।
पाठेघर (आङ) खसेका महिलाहरुले सहज रुपमा अस्पताल नआउने, समस्या भन्न लजाउने गर्दा रोग पालेर बस्न बाध्य महिलाहरुसमेतलाई अस्पतालमा सम्पर्क गरेर निःशुल्क शल्यक्रियाका लागि आउँन उहाँले आव्हान गर्नुभयो ।
